मनोवाद नगर्ने प्राणी पनि होइन म । एक्लो गहिरो सोचमा नपर्ने पनि होइन म । मुटुभित्र रगत बग्छ भनम कि भावनाको लहर । जेहोस् निरन्तर बगिरहन्छ । र सायद यस्तो नहुने मानिस पनि छैनन् होला यो संसारमा । तैपनि के सोचको झरी बग्छ हौ यो कोमल हृदयमा …….. म एकदम नौलो महसुस गर्छु । जीवन समुन्द्री लहरझैं अगाडि बढ्ने क्रममा थियो । विभिन्न ठाउंमा हन्डर खाई जीवन लगायत जीवनमा घुलमिल गर्ने तत्वहरुलाई राम्रोसंग चिन्दै र नियाल्दै थिए ।

उमेर जर्खेना गर्ने हो भने सायद तपाईहरुलाई म सानो बालक लागुला र मेरो कुरा केवल हसिहसाउ गर्ने माध्यम लाग्ला…….तर अहिलेसम्म आइपरेका र भोगेका कुराहरु गुन्द्रुक खादिएझैं खादिएका छन् …..यी सब कराहरुलाई व्यवस्थित राख्ने प्रयास छ मेरो । कसैले मेरो हृदयदेखि बगेको सञ्जाललाई दुषित कहलाएमा पनि म त्यसको विरुद्धमा पनि लाग्न सक्दिन……किन भने एउटा लाचार र परिस्थितिले ठगिएको मानिसको कुरा सुनिदिने अनि बुझिदिने साथै साहारा बनिदिने विरलै हुन्छन् । त्यसैले जस्तोसुकै तपाईंहरुले बुझिदिदां केही फरक त पर्ने छैन….तर पहिले वास्तविक्तालाई प्राथमिक्ता दिनुहुन हार्दिक अनुरोध गर्दछु ।